للريدون يتزوجون فقط

كروب كلية المنصور العزيز هاي اول مشاركه الي للكروب وحاولت قدر الامكان تكون مفيده.
طبعا تدرون بشبابنا وشاباتنا لمن يوصلون للمرحله المنشوده واللي هيه الزواج ويبدون ايحاولون ايغيرون عاداتهم الموزينه ويبطلون تبذير والى اخره بس بالنسبه للشباب قبل الزواج اعتيادي قبل ميخطون هلخطوه ايسوون مقارنه بين الفترتين فترة قبل الزواج وفترة بعد الزواج وهنا يجي دوري الفاعل انه اساعدهم واسوي هاي المقارنه المهمه لهفتره الحرجه(بحساب عندي خبره):
قبل الزواج:الزوج ايصير زبون دائم يم محلات بيع الورود.
بعد الزواج:الزوج زبون دائم يم محلات المخضر.
قبل الزواج:الكلام والغزل طويل كلش مثل اغاني ام كلثوم.
وره الزواج:الكلام قصير مثل اغاني هلوكت.
قبل الزواج:التمشي بالاسواق والايدينات مستعده حتى تدفع سعر الجهاز(طبعا لانه مكيف).
وره الزواج:الايد هم مستعده حتى تعرت بالزوجه قبل لتطفر لاقرب محل.
قبل الزواج:اذا تريدين لبن العصفور اجيبه.
وره الزواج:لبن المراعي تارس الاسواق شتسوين بلبن العصفور.
قبل الزواج:البنيه كلهه اذان صاغيه.
بعد الزواج:الزوجه كلهه افواه مفتوحه.
قبل الزواج:الرومانسيه ان تهدي خطيبتك ورده.
بعد الزواج:شنو هللغوه الفارغه بالله لو جايبلي شغله بيهه قيمه مو احسن من هلورده.
قبل الزواج:تريدك من اجمل وارتب مايكون حتى تقبل تتزوج منك.
بعد الزواج:تريدك مبهذل ومن اقبح مايكون حتى ولا وحده تحط عينهه عليك.
قبل الزواج:الزوجه تحافظ على جسمهه.
بعد الزواج:مو بس تحافظ على جسمهه وانما تضاعفه همين.
قبل الزواج:الزوجه تسمع باهتمام زايد عن الحدود.
بعد الزواج:الزوجه تسمع بس لمن ايكون الزوج نايم وبسابع نومه.
قبل الزواج:الرجال اعمه والمره خرسه.
بعد الزواج:الرجال عيونه زايغه والمره لسانهه اطول منهه (يكفي انه تفتح من وراه محطه تبث 24 ساعه).

كروبي العزيز هاي اهم الفروقات اللي كل واحد او وحده لازم ايفكرون بيهه قبل ميخطون الخطوه ويه حبيب العمر
اشكركم وانتظروا مني المزيد.

red eye

والله وبيك الخير يا اخي .......عين الحمرة

الرجال اعمه والمره خرسه ا يوالله صحيح

ههههههههههههههههه اي والله صدك هذا الحجي شكرا عيناي عل موضوع الروعة
_________________